កំពង់ស្ពឺ៖ សមត្ថកិច្ច ខេត្តកំពង់ស្ពឺ បញ្ជាក់អោយដឹងថា មានករណី ក្រឡាប់រថយន្ដ លេីផ្លូវ ល្បឿនលឿន បណ្តាលអោយមនុស្ស៣នាក់ រងរបួសធ្ងន់-ស្រាល កាលពីវេលាយប់ម៉ោង ២៣ និង ៥នាទី ថ្ងៃទី៦ ខែមិថុនា ឆ្នាំ២០២៥ ត្រង់ចំណុច គីឡូម៉ែត្រ 66+900 ក្នុងទិសដៅទៅភ្នំពេញ ស្ថិតនៅភូមិកុមារពេទ្យ ឃុំអូរ ស្រុកភ្នំស្រួច ខេត្តកំពង់ស្ពឺ មានរថយន្ត ១គ្រឿង ម៉ាក TOYOTA LANDCRUISER ពណ៌ស ពាក់ផ្លាក លេខភ្នំពេញ 2BG-7755 អ្នកបើកបរ ជនជាតិចិន ស្នាក់ នៅខេត្តព្រះសីហនុ រួមដំណើរដោយជនជាតិចិន ប្រុស ស្រី ចំនួន០២នាក់។
ប្រភព អោយដឹងថា រថយន្តខាងលើ បើកបរ ពីទិសខាងលិចឆ្ពោះទៅទិសខាងកើត លុះមកដល់ចំណុច ខាងលើបានជួបឧប្បត្តិហេតុបែកកង់ ខាងក្រោយ ផ្នែកខាងស្ដាំ រថយន្តរេចង្កូត អ្នកបេីកបរបាត់ ម្ចាស់ការ ទៅបុករនាំងការពារផ្លូវរួចក្រឡាប់ធ្លាក់ទៅចិញ្ចើមផ្លូវ ។
តាមការបញ្ជាក់ពី លោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួច ក្នុងហេតុការណ៍គ្រោះថ្នាក់ខាងលើ បណ្ដាលឲ្យជនជាតិចិន ម្នាក់រងរបួសធ្ងន់ និង
២នាក់ទៀត រងរបួសស្រាល។
នគរបាល បានធ្វេីការអន្ដរាគមន៍សង្រ្គោះជនរងគ្រោះ បញ្ជូនទៅសង្រ្គោះនៅមន្ទីរពេទ្យបង្អែកខេត្តកំពង់ស្ពឺ និងសម្របសម្រួលនីតិវិធីដោយបានស្ទួចយករថយន្ដមករក្សាទុកជាបណ្ដោះអាសន្ននៅអធិការដ្ឋាននគរបាលស្រុកភ្នំស្រួច ដេីម្បីចំណាត់ការនីតិវិធី៕
