សម្រេចឃុំខ្លួន បណ្តោះអាសន្ន លើឈ្មោះ យឹម សុផាណា ភេទប្រុស ពីបទល្មើសប្តឹងបរិហារបង្កាច់កេរ្តិ៍ និងបទល្មើសក្លែងបន្លំ
សេចក្តីប្រកាសព័ត៌មានរបស់អ្នកនាំពាក្យសាលាដំបូងរាជធានីភ្នំពេញ ចុះថ្ងៃទី១៧ ខែកុម្ភៈ ឆ្នាំ២០២៤ ជុំវិញករណីប្រឌិតអង្គហេតុទារប្រាក់ផាកពិន័យចំពោះមន្ត្រីនគរបាលចរាចរណ៍គោលដៅស្តុបក្តាន់ពីរ ដែលមានឈ្មោះ យឹម សុផាណា ភេទប្រុស (ប្រើប្រាស់បណ្តាញសង្គមគណនីឈ្មោះ គង់ ម៉ូលីណា) បានប្រឌិតអង្គហេតុ បរិហារបង្កាច់កេរ្តិ៍ និងក្លែងបន្លំទៅលើឈ្មោះ ខៀវ សុខឡាយ កាលពីថ្ងៃទី០២ ខែកុម្ភៈ ឆ្នាំ២០២៤ ទាំងដែលការពិតឈ្មោះ ខៀវ សុខឡាយ ពុំបានប្រព្រឹត្តឡើយ។
ចៅក្រមស៊ើបសួរ នៃសាលាដំបូងរាជធានីភ្នំពេញ សម្រេចឃុំខ្លួនបណ្តោះអាសន្នលើឈ្មោះ យឹម សុផាណា ភេទប្រុស ពីបទល្មើសប្តឹងបរិហារបង្កាច់កេរ្តិ៍ និងបទល្មើសក្លែងបន្លំ តាមមាត្រា៣១១ និងមាត្រា៦២៦ នៃក្រមព្រហ្មទណ្ឌ។
