វគ្គអប់រំ ផ្សព្វផ្សាយ ស្តីពី «ការបង្ក្រាបអំពើជួញដូមនុស្ស និងការទប់ស្កាត់ការរំលោភបំពាន ផ្លូវភេទ លើស្ត្រី និងក្មេងស្រី»
ភ្នំពេញ ៖ នាព្រឹកថ្ងៃសុក្រ ១២រោច ខែពិសាខ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៣ ខែឧសភា ឆ្នាំ២០២៥ វេលាម៉ោង ០៨:០០នាទីព្រឹក លោក សំ សារ៉ាវុធ អភិបាលរងនៃគណៈអភិបាលខណ្ឌពោធិ៍សែនជ័យ ដោយទទួលបានការអនុញ្ញាតពី លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ សហការជាមួយមន្ទីរកិច្ចការនារីរាជធានីភ្នំពេញ បានរៀបចំវគ្គអប់រំផ្សព្វផ្សាយស្តីពី «ការបង្ក្រាបអំពើជួញដូមនុស្ស និងការទប់ស្កាត់ការរំលោភបំពាន ផ្លូវភេទ លើស្ត្រី និងក្មេងស្រី» ដើម្បីឆ្លើយតបទៅនឹងសមាហរណកម្មថ្នាក់ខណ្ឌ ឆ្នាំ២០២៥ និងក្នុងគោលបំណងដើម្បីឱ្យអ្នកចូលរួមទទួលបានពត៌មានស្តីពីល្បិចកលរបស់មេខ្យល់ក្នុង ការជួញដូរស្រ្តី និងកុមារការរំលោភសេពសន្ថវៈ លើស្ត្រី និងក្មេងស្រី។
កម្មវិធីប្រព្រឹត្តទៅក្រោមអធិបតីភាព៖
១-លោក សំ សារ៉ាវុធ អភិបាលរងខណ្ឌ តំណាងលោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ
២-លោកស្រី សោម ម៉ានី អនុប្រធានមន្ទីរកិច្ចការនារីរាជធានីភ្នំពេញ
៣-លោកស្រី សោម វឌ្ឍនា ប្រធានគ្រប់គ្រងទំនាក់ទំនងរដ្ឋាភិបាល និងសើបអង្គេតប្រចាំប្រទេស នៃអង្គភាពការពារកុមារ (CPU)
៤-លោកស្រី វ៉ាន់ ពិសាល ប្រធាន គកសក ខណ្ឌពោធិ៍សែនជ័យ
ព្រមទាំងមានការចូលរួមពី៖
-ប្រធាន អនុប្រធានការិយាល័យសង្គមកិច្ច និងសុខុមាលភាពសង្គមខណ្ឌ
-លោក លោកស្រី ចៅសង្កាត់ទាំង៧
-មេប៉ុស្តិ៍នគរបាលរដ្ឋបាលសង្កាត់
-អ.ក.ន.ក សង្កាត់ មេភូមិ អនុប្រធានភូមិ និងប្រជាពលរដ្ឋសរុបចំនួន ១៣០នាក់។
