តុលាការ ចេញដីកាសម្រេចចាប់ផ្តើមការលក់ដោយបង្ខំ នូវទ្រព្យសម្បត្តិទាំង ៧៩កន្លែង របស់លោកស្រី ម៉ន ដានី ជាម្ចាស់បុរី ម៉ន ដានី

គួរជម្រាបជូនថា លោកស្រី ម៉ន ដានី ត្រូវបានចោទប្រកាន់ពីបទ​ «មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីថ្ងៃទី១៣ ខែឧសភា ឆ្នាំ២០២៣ បទល្មើសដែលមានបញ្ញត្តិឱ្យផ្តន្ទាទោសតាមមាត្រា២៣១ នៃច្បាប់ស្តីពីឧបករណ៍អាចជួញដូរបាន​ និងប្រតិបត្តិការទូទាត់សងប្រាក់»​ ។

យោងតាម និយ័តករអាជីវកម្មអចលនវត្ថុនិងបញ្ចាំ​ បានឱ្យដឹងថា ពលរដ្ឋរាប់ពាន់គ្រួសារ​ បានរងគ្រោះពីគម្រោងអភិវឌ្ឍន៍របស់ក្រុមហ៊ុនម៉ន ដានី រៀលអ៊ីស្ទេត ឯ.ក។ ក្នុងនោះមានទាំងម្ចាស់ដី ដែលបានលក់ដីឱ្យក្រុមហ៊ុន អតិថិជនរបស់ក្រុមហ៊ុន ដែលបានបង់ប្រាក់ផ្តាច់ និងបង់រំលស់ផងដែរ៕

ប្រភព៖ ព្រះខ័ន – Preah Khan